Mudras | Vayu Mudra | Varuna Mudra

முத்திரை

யோகத்தின் ஓர் அங்கம் முத்திரை ஆகும். உடல் நலம், மன நலம் பாதிக்கப்பட்டவர்களும் எளிதில் இப்பயிற்சியினை மேற்கொண்டு பலன் பெறலாம். இதற்கு திருமந்திரத்தில் பல சான்றுகள் உள்ளன.

"நண்ணும் சிறுவிரல் நாணாக மூன்றுக்கும்
பின்னிய மார்பிடைப் பேராமல் ஒத்திடும்
சென்னியில் மூன்றுக்கும் சேரவே நின்றிடும்
உன்னி உணர்ந்திடும் ஓவியம் தானே
திருமந்திரம் - (750)

சூரிய, சந்திர, அக்கினி மண்டலங்களைச் சேர்த்து சிரநடு சிற்றம்பலத்தில் பொருத்துவதற்கான ஒரு சாதனம் இம்முத்திரை ஆகும். சந்திசாலனம் என்று இம்முத்திரையைக் கூறுவர். சுரபி முத்திரை என்றும் இம்முத்திரையைக் கூறுவர். இதனுடைய பலனையும் முத்திரையைச் செய்யும் முறைகளையும் வீடியோவில் பார்க்கலாம்.

வருத்த மிரண்டும் சிறுவிரல் மாறிப்
பொருத்தி அணிவிரல் கட்டிப் பிடித்து
நெறித்து ஒன்றவைத்து நெடிது நடுவே
பெருத்தவிரல் இரண்டுள் புக்குப் பேசே
திருமந்திரம் (1094 )

இம்முத்திரையை யோனி முத்திரை எனக் கூறுவர். இம்முத்திரையின் பலன், உடல், மனம், உணர்வு ரீதியாக செயல்பட வல்லது. முத்திரைகள் பயிற்சி செய்வதற்கு எளிமையானது. இதனைப் பயில்பவர்கள் பெறும் பேறு மகத்தானது. இதன் வீடியோ, ஆடியோக்களை அன்னையின் வலைத்தளத்திலிருந்து பார்த்துப் பயன்பெறலாம்.

முத்திரை

கட்டைவிரல் அக்னி, ஆள்காட்டி விரல் வாயு, நடுவிரல் ஆகாயம், மோதிரவிரல் நிலம், சுண்டுவிரல் நீர் என ஐந்து விரல்களில் பஞ்ச பூத ஆற்றல் உள்ளன. உடலில் இந்த பஞ்ச பூத சக்திகளை சமநிலைப்படுத்துவதற்கான பயிற்சி முத்திரை பயிற்சியாகும். இவைகள் சமநிலையில் இருந்தால் நோயற்ற வாழ்வில் வாழலாம்.